ປະຫວັດຄວາມເປັນມາຂອງຕູ້ໃສ່ເສື້ອຜ້າ
ໂດຍຜ່ານວິວັດທະນາການຄວາມກ້າວໜ້າທັນສະໄໝທາງດ້ານສະຕິປັນຍາ ແລະ
ເຕັກນິກວິຊາການຂອງມວນມະນຸດເຮົາທີ່ໄດ້ຜ່ານການສັງເກດໃນການດຳລົງຊີວິດເຊິ່ງໃນເມື່ອກ່ອນມະນຸດເຮົາຍັງບໍ່ທັນມີເຕັກໂນ່ໂລຊີທີ່ທັນສະໄໝ
ແລະ ເຕັກນິກ, ສະຕິປັນຍາຍັງບໍ່ທັນສູງມີແຕ່ການມັດເຊືອກເຮັດຜຽກ,
ເຮັດຮາວໄວ້ສຳລັບຫ້ອຍ ຫຼື ພາດເຄື່ອງຕ່າງໆ.
ມາຮອດສະຕະວັດທີ XVII ເຊິ່ງເປັນໄລຍະມວນມະນຸດເຮົາມີການພັດທະນາທາງດ້ານແນວຄິດ,
ສີມືແຮງງານ ແລະ ໄດ້ນຳໃຊ້ເຄື່ອງຈັກທີ່ທັນສະໄໝຫຼາຍຂຶ້ນກ່ວາເກົ່າ,
ຫຼັງຈາກນັ້ນຈຶ່ງເລີ່ມຮູ້ຜະລິດເຄື່ອງເຟີນີເຈີທີ່ຕົບແຕ່ງດ້ວຍໄມ້
ເພື່ອຮັບໃຊ້ພາຍໃນອາຄານບ້ານເຮືອນ ແລະ ສະຖານທີ່ຕ່າງໆ ເຫັນວ່າການທີ່ຈະຜະລິດຕູ້ໃສ່ເສື້ອຜ້າແບບ
3 ບານມີ 1 ລີ້ນຊັກນີ້ເໝາະສົມແກ່ການເກັບຮັກສາເສື້ອຜ້າ,
ເຄື່ອງນຸ່ງຮົ່ມຕ່າງໆ ແລະ
ເປັນການຕົບແຕ່ງພາຍໃນອາຄານບ້ານເຮືອນໃຫ້ມີຄວາມເປັນລະບຽບຈົບງາມອີກດ້ວຍ.
ຄວາມໝາຍ ແລະ ຄວາມສຳຄັນຂອງຕູ້ໃສ່ເສື້ອຜ້າ
ວຽກເຟີນີເຈີເປັນວຽກງານໜຶ່ງທີ່ສຳຄັນ ແລະ
ຈໍາເປັນໃນການພັດທະນາເສດຖະກິດແຫ່ງຊາດເຊິ່ງເຮັດໃຫ້ສັງ ຄົມມີຄວາມກ້າວໜ້າ ແລະ
ຈະເລີນຮຸ່ງເຮືອງເພື່ອປັບປຸງຊີວິດການເປັນຢູ່ຂອງປະຊາຊົນພ້ອມທັງສ້າງໃຫ້ຄົນເຮົາລຸດພົ້ນຈາກໄພວ່າງງານ,
ດັ່ງນັ້ນ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງສັງຄົມຈຶ່ງຈໍາເປັນຕ້ອງສ້າງໃຫ້ມີໂຮງຈັກ-ໂຮງງານຂຶ້ນເຊິ່ງໃນນັ້ນໂຮງເຟີນີເຈີກໍ່ແມ່ນໂຮງງານໜຶ່ງທີ່ມີຄວາມສຳຄັນ
ແລະ ເປັນແຫຼ່ງທີ່ມີລາຍຮັບສູງໃຫ້ແກ່ການພັດທະນາປະເທດຊາດ ແລະ ການດຳເນີນທຸລະກິດ,
ຕູ້ໃສ່ເສື້ອຜ້າແບບ 3 ບານມີ 1 ລີ້ນຊັກກໍ່ແມ່ນຜະລິດຕະພັນໜຶ່ງທີ່ໄດ້ມາຈາກການຜະລິດເຄື່ອງເຟີນີເຈີ ແລະ
ເຄື່ອງຮັບໃຊ້ຊະນິດນີ້ແມ່ນເພີ່ນນິຍົມໃຊ້ຫຼາຍໃນສັງຄົມປັດຈຸບັນ,
ໃນສະພາບຕົວຈິງຂອງສັງຄົມເຮົາກໍ່ສາມາດເຫັນໄດ້ຢ່າງເດັ່ນຊັດກ່ຽວກັບການຕົບແຕ່ງ, ທຸກຄົນລ້ວນແຕ່ມັກຄວາມເປັນລະບຽບຈົບງາມບໍ່ວ່າຈະເປັນດ້ານໃນ ຫຼື ດ້ານນອກອາຄານບ້ານເຮືອນ
ແລະ ສະພາບແວດລ້ອມອ້ອມຂ້າງຕ່າງໆ, ດັ່ງນັ້ນ ການຜະລິດເຄື່ອງສຳເລັດຮູບຊະນິດນີ້ແມ່ນມີບົດບາດສຳຄັນຢ່າງຍີ່ງເພາະໄດ້ນຳເອົາລາຍໄດ້, ຊື່ສຽງມາໃຫ້ແກ່ຜູ້ຜະລິດ ແລະ ເປັນການພັດທະນາທາງດ້ານສີມືແຮງງານອີກດ້ວຍ.
ไม่มีความคิดเห็น:
แสดงความคิดเห็น